Minongonoko yo maketa ya xikalu xintsongo xa murimi?
Endlelo ro xavisa swifuwo
Magoza yo xavisa swifuwo swa wena
Goza ra 1: Ku lulamisa
Teka xiboho xa leswaku hi swihi swifuwo leswi u lavaka ku swi xavisa naswona hikwalaho ka yini.
Leswi u faneleke ku swi tekela enhlokweni;
Nkoka na maavelo
Swihlawulekisi swa maavelo swi hlamuseriwa kuya hi vukhale, ku nyuhela, ku yevula, ku onhaka na rimbewu.
Vayimeri vo maketa va nga ku pfuna ku ava swifuwo.
Nhlayo
Van?wa mapurasi va fanele ku endla mintlawa yo twanana kumbe ya nhundzu ku engetela nhlayo ya swifuwo no hunguta madurhele ya ntleketlo.
Ntiko
U ta fanela ku kambisisa ntiko wa xifuwo u nga si xi xavisa.
Goza ra 2: Lulamisa fandisi
Tihlanganisi na vuyimeri byo maketa naswona u vutisisa hi mintsengo na mintolovelo ya makete.
Nyika mahungu laya faneleke hi nkoka wo ava, ku mitha, ntiko naswona xa nkoka a ku vi nxavo wa swifuwo swa wena.
Ti lulamiseli ku xavisa swifuwo swa wena hi siku leri u twananeke ha rona na vakondleteri.
Vona leswaku swifuwo swa wena hinkwaswo swi na mimfungho ya le nawini ya vutitivisi.
Lulamisa swifambo swa ntleketlo.
Kuma xitifikheti xo tleketla ku suka eka Yuniti ya muganga yo tirhana na Ku yiviwa ka Swifuwo (Stock Theft Unit).
Loko u nga ri na matsalwa lawa u nga rihisiwa kumbe swifuwo swa wena swi pfaleriwa.
Goza ra 3: Endhawini ya fandisi
Tata fomo ya Rhasiti yo Amukela (Acknowledgement of Receipt) leyi nga na vito ra wena, kherefu, nomboro ya ID na vuxokoxoko bya vutitivisi bya swifuwo.
Lemuka leswaku swifuwo swa ha ri swa wena naswona i vutihlamuleri bya wena.
Fandisi ya hetiseka loko u vula leswaku ?yi xavisiwile?
Goza ra 4: Endzhaku ka fandisi
Tsala xitatimende xo tshunxa naswona u vona leswaku vuxokoxoko hinkwabyo byi lulamile.
Ku amukela hakelo.
Ku nga va khexe kumbe cheke. Vona leswaku vuxokoxoko hinkwabyo bya cheke byi lulamile.
Ndlela yo hlayiseka i ku hoxa mali ya wena eka akhawunti ya bangi.
Muxavi u lava tsalwa ra mpfumelelo leri kumekaka ku suka eka Yuniti ya muganga yo tirhana na Ku yiviwa ka Swifuwo (Stock Theft Unit) ku tleketla swifuwo.
I miehleketo ya kahle ku ya eka fandisi u nga si ya rhumela swifuwo swa wena ro sungula. Kumbe famba na un?wana loyi a tshameke a ya.
Swifaniso:
Kambisisa ntiko lowu ku nga wona wa xifuwo fandisi yi nga si sungula.
Ndhawu ya mfungho wa vutitivisi. Xibayana xi kandziyisiwa eka ndleve ya ximatsi. Mimfungho yi endliwa eka nenge wa le ndzhaku na le katleni.
Xibayana
Ku fungha
XAVISIWILE!
